चित्रपटातून उलगडणार पॉप गायक मायकल जॅक्सनचा जीवनपट
मुंबई,दि. 31 (एमएमसी न्यूज नेटवर्क) : जगप्रसिद्ध पॉप गायक मायकल जॅक्सनच्या जीवनावर आधारित चित्रपट लवकरच चाहत्यांच्या भेटीला येणार आहे. दिवंगत मायकलवर आधारित या चित्रपटात त्याचा पुतण्या जाफर जॅक्सन मुख्य भूमिकेत दिसणार आहे.
जीके स्टुडिओने सोमवारी सोशल मीडियावर जाफरच्या फोटो शेअर करत बायोपिकमधील मुख्य अभिनेत्याच्या नावाची घोषणा केली. या चित्रपटाचे दिग्दर्शन एंटोनी फुक्वा करणार आहेत, तर प्रसिद्ध निर्माता ग्रॅहम किंग बायोपिकची निर्मिती करत आहेत. मायकलच्या भूमिकेसाठी जाफर बऱ्याच दिवसांपासून तयारी करत आहे.
1996 मध्ये मायकल जॅक्सन पहिल्यांदाच शिवसेनेच्या निमंत्रणावर मुंबईत आला होता. जिथे विमानतळावर त्याचे अभिनेत्री सोनाली बेंद्रे हिने त्याचे स्वागत केले होते. त्या काळात बॉलिवूडमधीलच नव्हे तर दक्षिणच्या इंडस्ट्रीतील अनेक बडे कलाकार त्याला भेटायला आले होते.
मार्च 2009मध्ये, मायकेल जॅक्सन म्हणाला होता की, “दिस इज इट” हीच माझी शेवटची मैफल असेल. मायकल या नंतर कोणतीही मैफिली करणार नाही, असे जाहीर करण्यात आले होते. मात्र, हा कार्यक्रम होण्यापूर्वीच 25 जून, 2009 रोजी मायकलला हृदयविकाराचा झटका आला आणि त्यातच त्याचे निधन झाले.
SL/KA/SL
31 Jan. 2023
