पुरस्कार रद्द , राजीनामे सुरू
मुंबई,दि. 14 (एमएमसी न्यूज नेटवर्क) : माओवादी कम्युनिस्ट पक्षाचे माजी पॉलिट ब्युरो सदस्य कोबाद गांधी यांच्या ‘फ्रॅक्चर्ड फ्रीडम‘ या पुस्तकाच्या अनघा लेले यांनी केलेल्या अनुवादीत पुस्तकाला जाहीर झालेला तर्कतीर्थ लक्ष्मणशास्त्री जोशी पुरस्कार’ शासनाने काल रद्द केला आहे. यावरुन साहित्यिक वर्तुळाच पडसाद उमटलेले दिसून येत आहे. पुरस्कार रद्द केल्याच्या निषेधार्थ राज्यातील काही साहित्यिकांना पुरस्कार वापसीचा मार्ग अवलंबला आहे, तर काहींनी शासनाच्या भाषाविषक महत्त्वाच्या पदांवरून राजीनामा देण्याचे सुरू केले आहे.
आज माजी प्रशासकीय अधिकारी आणि मराठी साहित्य संमलनाचे अध्यक्षपद भूषवलेले साहित्यिक लक्ष्मीकांत देशमुख यांनी भाषा सल्लागार समितीच्या अध्यक्षपदाचा राजिनामा दिला आहे.
पुरस्कार वापसीनंतर महाराष्ट्र राज्य साहित्य आणि संस्कृती मंडळाचे अध्यक्ष सदानंद मोरे यांनी आपली भूमिका मांडत पुरस्काराची संपूर्ण प्रक्रिया पारदर्शक झाली असून या पुस्तकाची निवड गणेश विसपुते यांनी केली होती असे सांगितले. तसेच महाराष्ट्र राज्य साहित्य आणि संस्कृती मंडळाच्या सदस्यत्वपदाचा ज्यांनी ज्यांनी राजीनामा दिला आहे. त्यांच्याशी बोलण्याची गरज नाही असंही त्यांनी स्पष्टपणे सांगितले आहे.
या पुरस्कारामुळे निर्माण झालेल्या वादंगाबाबत भाष्य करणारा एमएमसी न्यून नेटवर्कचा हा व्हिडीओ अवश्य पहा. https://youtu.be/19GfPjlcWC4
14 Dec. 2022
