या आहेत भारतीय ऑलिंम्पिक संघटनेच्या पहिल्या महिला अध्यक्ष
मुंबई,दि. 28 (एमएमसी न्यूज नेटवर्क) : ‘पायोली एक्सप्रेस’ म्हणून प्रसिद्ध असलेल्या प्रसिद्ध धावपटू आणि विद्यमान खासदार पी. टी. उषा या भारतीय ऑलिम्पिक संघटनेच्या (आयओए)पहिली महिला अध्यक्ष होणार आहेत.
या निवडणुकीसाठी उमेदवारी अर्ज भरण्याची 27 नोव्हेंबरची मुदत होती, ती संपली आहे. या पदासाठी केवळ पी.टी.उषा यांनी अर्ज दाखल केला होता, त्यात त्यांची बिनविरोध निवड झाली.भारतीय ऑलिम्पिंक संघटनेच्या 95 वर्षांच्या इतिहासात उषा या पहिल्या महिला अध्यक्ष आहेत.
IOA मध्ये अनेक पदांसाठी १० डिसेंबरला निवडणूक होणार आहे.त्यात एक अध्यक्ष, एक वरिष्ठ उपाध्यक्ष, दोन उपाध्यक्ष (एक पुरुष आणि एक महिला), एक कोषाध्यक्ष, दोन सहसचिव (एक पुरुष आणि एक महिला) आणि 6 कार्यकारी परिषद सदस्यांसाठी निवडणूक होणार आहे. 14 नोव्हेंबर रोजी उषाची IOA च्या ऍथलिट्स कमिशनवर निवड झाली. ती आठ खेळाडूंच्या उत्कृष्ट गुणवत्तेचा (SOM) भाग होती. त्यात योगेश्वर दत्त (कुस्तीपटू), एमएम सोमाया (हॉकी), रोहित राजपाल (टेनिस), अखिल कुमार (बॉक्सिंग), सुमा शिरूर (नेमबाजी), अपर्णा पोपट (बॅडमिंटन) आणि डोला बॅनर्जी (तिरंदाजी) यांचा समावेश आहे.
SL/KA/SL
28 Nov. 2022
