ज्ञानेश्वर माऊलींच्या गजरात समाधी संजीवन सोहळा…
पुणे, दि. 22 (एमएमसी न्यूज नेटवर्क): ज्ञानेश्वर माऊली, ज्ञानराज माऊली तुकाराम” असा संजीवन सोहळ्याच्या कीर्तनातील जयघोष, घंटानाद… समाधीवर फुलांची पुष्पवृष्टी… संत नामदेव महाराज ,माऊलींची भेट आणि असंख्य भाविकांचे पाणावलेले डोळे.. अशा भावपूर्ण वातावरणात माऊलींचा 726 वा संजीवन समाधी सोहळा ‘माऊली – माऊली’च्या जयघोषात पार पडला.
संजीवन सोहळ्यानिमित्त राज्याच्या कानाकोपऱ्यातून आलेल्या असंख्य भाविकांनी हा सोहळा प्रत्यक्ष नयनांनी अनुभवत ‘श्री’चे दर्शन घेतले….. कोरोनाच्या प्रादुर्भावामुळे गेल्या दोन वर्षांपासून हा सोहळा मोठ्या प्रमाणात घेण्यास प्रशासनाला मर्यादा होती राज्यभरातील भाविकांनी आळंदी येथे गर्दी करत या समाधी संजीवन सोहळ्याला हजेरी लावली.Samadhi sanjeevan ceremony in the wake of Dnyaneshwar Mauli…
या सोहळ्याच्या पार्श्वभूमीवर पुणे जिल्हा प्रशासनाने तयारी तसेच मोठा पोलीस बंदोबस्त होता. दुपारच्या सुमारास मुख्य मंदिरात सोहळा झाल्यानंतर समाधीवर पुष्पवृष्टी करण्यात आली.
ML/KA/PGB
22 Nov .2022
