डॉ. गजानन रत्नपारखी यांची अध्यक्षपदी नियुक्ती
मुंबई, दि ७: हृदयरोगतज्ज्ञ डॉ. गजानन रत्नपारखी यांची भाजप डॉक्टर सेलच्या मुंबई अध्यक्षपदी नियुक्ती करण्यात आली आहे. या नियुक्तीचे पत्र त्यांना मुंबई भाजपचे अध्यक्ष अमित साटम यांच्या हस्ते प्रदान करण्यात आले. डॉ. गजानन रत्नपारखी हे मुंबईतील प्रख्यात कार्डिओलॉजिस्ट आहेत. गुरुकृपा हार्ट फाऊंडेशनच्या माध्यमातून रत्नपारखी यांनी १३ नाईट स्कूल दत्तक घेतली आहेत. दरवर्षी चार हजार विद्यार्थ्यांना संपूर्ण शालेय साहित्याचे मोफत वाटप केले जाते. आदिवासी भागातील विद्यार्थ्यांची नियमित वैद्यकीय तपासणी, गणवेश व ब्लँकेटचे वाटप डॉ. रत्नपारखी यांच्या संस्थेमार्फत केले जाते. त्यांच्या या कार्याची दखल घेऊन त्यांची भाजपच्या मुंबई डॉक्टर सेलच्या (संयोजक) अध्यक्षपदी नेमणूक केली गेल्याचे सांगितले जात आहे.JS/ML/MS
