अमेरिकेतील सर्व चलनी नोटांवर असणार ट्रम्प यांची स्वाक्षरी
वॉशिंग्टन, दि. २८ : अमेरिकेच्या चलनी नोटांवर आता राष्ट्राध्यक्ष डोनाल्ड ट्रम्प यांची स्वाक्षरी असणार असल्याची घोषणा करण्यात आली आहे. अमेरिकेच्या वित्त विभागाकडून ही प्रक्रिया सुरू करण्यात आली असून, येत्या काही महिन्यांत नव्या नोटा चलनात येतील. अमेरिकेत १८६० च्या दशकानंतर कागदी चलनाच्या डिझाइनमध्ये अनेक बदल झाले, पण अध्यक्षांची थेट सही नोटांवर देण्याची पद्धत कधीच वापरली गेली नव्हती. त्यामुळे हा निर्णय अत्यंत अपवादात्मक मानला जात आहे.
अमेरिकेत परंपरेनुसार राष्ट्राध्यक्षांच्या स्वाक्षरीसह चलनी नोटा जारी केल्या जातात. ट्रम्प यांच्या स्वाक्षरीमुळे या नोटांना विशेष ओळख मिळणार आहे. यापूर्वी विविध राष्ट्राध्यक्षांच्या स्वाक्षऱ्या चलनावर छापल्या गेल्या आहेत.
या निर्णयामुळे ट्रम्प समर्थकांमध्ये उत्साहाचे वातावरण असून, चलनाच्या नव्या मालिकेला ऐतिहासिक महत्त्व प्राप्त होणार आहे. वित्त विभागाने सांगितले की, जुन्या नोटा चलनातून काढून टाकल्या जाणार नाहीत, मात्र नव्या नोटा हळूहळू बाजारात येतील.
अमेरिकन इतिहासात जिवंत राष्ट्राध्यक्षाची प्रतिमा नाण्यावर असण्याची ही केवळ दुसरी वेळ आहे. या नाण्यामध्ये ट्रम्प हे ‘रेझोल्युट डेस्क’वर (Resolute Desk) हात ठेवून मुठी आवळलेल्या स्थितीत दाखवण्यात आले आहेत.
यामागील उद्देश काय, याबाबत अधिकृत स्पष्टीकरण मर्यादित असले तरी, हा निर्णय प्रतीकात्मक आणि राजकीयदृष्ट्या महत्त्वाचा मानला जात आहे. काही विश्लेषकांच्या मते, अमेरिकेच्या २५० व्या स्वातंत्र्यदिनाच्या पार्श्वभूमीवर देशाच्या ओळखीशी संबंधित मोठे बदल करण्याचा प्रयत्न सुरू आहे.
SL/ML/SL
