क्रिकेटपटू वैभव सूर्यवंशीसह 20 मुलांना राष्ट्रीय बाल पुरस्कार प्रदान
नवी दिल्ली, दि. २६ : क्रिकेटपटू वैभव सूर्यवंशीसह देशभरातील २० मुलांना यंदा राष्ट्रीय बाल पुरस्काराने सन्मानित करण्यात आले. बालकांच्या विविध क्षेत्रांतील उल्लेखनीय कामगिरीची दखल घेत केंद्र सरकारतर्फे हा पुरस्कार दिला जातो. वैभव सूर्यवंशीने क्रिकेट क्षेत्रात लहान वयातच उल्लेखनीय यश मिळवले असून त्याच्या कामगिरीची दखल घेऊन त्याला हा सन्मान प्रदान करण्यात आला. त्याच्यासह विज्ञान, कला, संस्कृती, नवोन्मेष, सामाजिक कार्य आणि क्रीडा क्षेत्रात विशेष कामगिरी करणाऱ्या इतर मुलांनाही पुरस्कार देण्यात आले.
राष्ट्रपती भवनात झालेल्या सोहळ्यात राष्ट्रपतींकडून विजेत्या मुलांना प्रमाणपत्र, पदक आणि स्मृतिचिन्ह देण्यात आले. या मुलांच्या कामगिरीमुळे देशातील इतर बालकांना प्रेरणा मिळेल, असे मत या वेळी व्यक्त करण्यात आले.
राष्ट्रीय बाल पुरस्कार हा देशातील बालकांच्या प्रतिभेला प्रोत्साहन देण्यासाठी दरवर्षी दिला जातो. यंदा निवडलेल्या २० मुलांमध्ये ग्रामीण भागातील तसेच शहरी भागातील मुलांचा समावेश असून त्यांच्या कार्यामुळे समाजात सकारात्मक बदल घडविण्याची क्षमता दिसून येते.
यावेळी पंतप्रधान मोदींनी विजेत्यांना सांगितले की, लहान वयातही तुम्ही असे काहीतरी साध्य करू शकता जे इतरांना प्रेरणा देईल. तुम्ही ते दाखवून दिले आहे. पण ही कामगिरी फक्त सुरुवात आहे. तुम्हाला अजूनही खूप मोठा पल्ला गाठायचा आहे. तुम्हाला अजूनही आकाश गाठण्याची स्वप्ने आहेत. आणि तुम्ही भाग्यवान आहात की तुम्ही या पिढीत जन्माला आला आहात. देश तुमच्या प्रतिभेच्या मागे खंबीरपणे उभा आहे.
मोदी म्हणाले, “माझा तरुण भारत, संघटनेशी संबंधित इतके तरुण इथे जमले आहेत. एका अर्थाने, तुम्ही सर्व जेन-जी आहात. तुम्ही अल्फा देखील आहात. तुमची पिढी भारताला विकसित भारताच्या ध्येयाकडे घेऊन जाईल. मला जेन-जींची क्षमता आणि तुमचा आत्मविश्वास दिसतो. मी त्यांना समजतो. आणि म्हणूनच मला तुमच्यावर खूप विश्वास आहे.”
