पाकिस्तानमध्ये HIV चा प्रकोप

इस्लामाबाद, दि. २ : पाकिस्तानमध्ये HIV संसर्गाने आता महामारीचे रूप धारण केले आहे. गेल्या पंधरा वर्षांत पाकिस्तान मध्ये HIV च्या प्रकरणांमध्ये 200 टक्क्यांहून अधिक वाढ झाली आहे, म्हणजेच प्रकरणांची संख्या तिप्पट झाली आहे. 2010 मध्ये जिथे एकूण प्रकरणे 16,000 होती, तिथे 2024 पर्यंत ही संख्या वाढून 48,000 झाली आहे. जागतिक आरोग्य संघटनेनुसार (WHO), पाकिस्तान पूर्व भूमध्यसागरीय प्रदेशात एचआयव्हीच्या सर्वात वेगाने पसरणाऱ्या साथीचा सामना करत आहे.

पाकिस्तानी वृत्तपत्र ‘डॉन’च्या अहवालानुसार, जागतिक एड्स दिनानिमित्त WHO आणि UNAIDS द्वारे आयोजित जनजागृती रॅलीमध्ये ही माहिती देण्यात आली. सर्वात चिंताजनक बाब म्हणजे, पूर्वी एचआयव्ही मुख्यत्वे उच्च-जोखीम असलेल्या गटांपुरता मर्यादित होता, जसे की इंजेक्शनद्वारे नशा करणारे, परंतु आता तो लहान मुले, सामान्य लोकांमध्ये वेगाने पसरत आहे.

अहवालानुसार, पाकिस्तानमध्ये प्रत्यक्षात सुमारे 3.5 लाख लोक एचआयव्हीने संक्रमित असल्याचा अंदाज आहे, परंतु यापैकी सुमारे 80% लोकांना त्यांच्या स्थितीबद्दल पूर्णपणे माहिती नाही. लहान मुलांवर याचा परिणाम विशेषतः गंभीर आहे. 0-15 वयोगटातील मुलांमध्ये नवीन एचआयव्ही प्रकरणांची संख्या 2010 मध्ये 530 होती, जी 2023 पर्यंत वाढून 1800 झाली.

SL/ML/SL