ट्रम्प यांचा ‘टॅरिफ बॉम्ब’ आणि दलाल स्ट्रीटवर हाहाकार! ७०० अंकांच्या घसरणीने गुंतवणूकदार संकटात

जितेश सावंत

भारतीय शेअर बाजारासाठी आजचा गुरुवार ‘ब्लॅक थर्सडे’ ठरला आहे. अमेरिकेचे राष्ट्राध्यक्ष डोनाल्ड ट्रम्प यांनी रशियन तेलाच्या मुद्द्यावरून भारताला दिलेल्या थेट इशाऱ्यामुळे गुंतवणूकदारांचे अब्जावधी रुपये एका झटक्यात स्वाहा झाले. सेन्सेक्स आणि निफ्टीमध्ये सलग चौथ्या दिवशी मोठी घसरण पाहायला मिळाली.

आजची आकडेवारी:

सेन्सेक्स: ७००+ अंकांची ऐतिहासिक घसरण.
निफ्टी: २५,९०० ची महत्त्वाची पातळी तोडून खाली.
‘इंडिया विक्स’ (India Vix) ९ टक्क्यांनी वधारला.

बाजार कोसळण्याची ७ मुख्य कारणे:

१. ट्रम्प यांची ५००% टॅरिफची धमकी: रशियाकडून तेल खरेदी करणाऱ्या देशांवर ५००% पर्यंत आयात शुल्क लावण्याच्या प्रस्तावाला डोनाल्ड ट्रम्प यांनी पाठिंबा दिला आहे. भारताच्या निर्यात क्षेत्रासाठी हा मोठा धक्का मानला जात आहे.
२. विदेशी गुंतवणूकदारांचे (FII) पलायन : विदेशी गुंतवणूकदारांनी भारतीय बाजारातून पैसे काढण्याचा सपाटा लावला आहे. जानेवारीच्या पहिल्या आठवड्यातच ५,७६० कोटी रुपयांची विक्री झाली असून, आजही हा दबाव कायम होता.
३. व्यापार कराराचे स्वप्न धुसर : भारत आणि अमेरिका यांच्यातील बहुप्रतीक्षित व्यापार करार सध्या धोक्यात आला आहे. अमेरिकेने आधीच काही भारतीय वस्तूंवर ५०% शुल्क लावले आहे.
४. कच्च्या तेलाचा भडका : जागतिक बाजारात कच्च्या तेलाच्या किमती $६०.२० प्रति बॅरलवर पोहोचल्या आहेत. भारतासारख्या आयातदार देशासाठी हे महागाई वाढवणारे संकेत आहेत.
५. मेटल शेअर्समध्ये मोठी विक्री : तांबे, ॲल्युमिनियम आणि सोन्या-चांदीच्या किमतीत जागतिक स्तरावर घट झाल्याने मेटल कंपन्यांच्या शेअर्समध्ये गुंतवणूकदारांनी जोरदार नफावसुली केली.
६. विकली एक्स्पायरीचा तडाखा : आज सेन्सेक्सच्या साप्ताहिक एक्स्पायरीचा दिवस असल्याने बाजारात प्रचंड अस्थिरता दिसून आली.
७. जागतिक बाजारात मंदीचे सावट: जपानचा निक्केई आणि हाँगकाँगचा हँग सेंग यांसारखे आशियाई बाजार लाल निशाण्यावर होते, ज्याचे पडसाद दलाल स्ट्रीटवर उमटले.

सेक्टरनुसार कामगिरी: कोणत्या क्षेत्राला तडाखा बसला?

मेटल इंडेक्स (Metal Index): सर्वात जास्त म्हणजे जवळपास २.५% ते ३% घसरला.

टेक्स्टाईल आणि एक्स्पोर्ट: ट्रम्प यांच्या टॅरिफ इशाऱ्यामुळे या क्षेत्रातील शेअर्समध्ये ४% ते ५% पर्यंत पडझड झाली.
आयटी (IT Sector): अमेरिका-भारत व्यापार करारातील अनिश्चिततेमुळे आयटी कंपन्यांचे शेअर्सही १.५% ने खाली आले.
ऑईल अँड गॅस: कच्च्या तेलाच्या वाढत्या किमती आणि रशियन आयातीवरील निर्बंधांच्या चर्चेमुळे या क्षेत्रातही चिंतेचे वातावरण राहिले.

The Indian stock market witnessed a massive sell-off on Thursday, termed as ‘Black Thursday,’ as the BSE Sensex plummeted over 700 points and the Nifty 50 slipped below the 25,900 mark. This sharp decline was primarily triggered by US President Donald Trump’s warning of a potential 500% tariff on countries, including India, continuing to purchase Russian oil.
Key Highlights:
Tariff Fears: High uncertainty over the India-US trade deal impacted export-oriented sectors like Textiles and IT.
FII Outflow: Foreign Institutional Investors continued their selling spree, offloading over ₹5,760 crore in January so far.

Sectoral Impact: Metal and Textile sectors were the worst hit, falling up to 5%.
Market Sentiment: Rising crude oil prices and weak global cues caused the India VIX to jump by 9%, signaling high investor anxiety.

लेखक : शेअर बाजार, अर्थविषयक घडामोडी, सायबर कायदा तसेच डेटा प्रोटेक्शन कायदा तज्ज्ञ आहेत.
The author is an expert in the stock market, financial affairs, cyber law, and data protection law.

ईमेल:jiteshsawant33@gmail.com

ML/ML/MS