गोवा आंतरराष्ट्रीय चित्रपट महोत्सवासाठी या मराठी चित्रपटाची निवड
पणजी,दि. 19 (एमएमसी न्यूज नेटवर्क) : आशियातील सर्वात जुन्या व भारतातील सर्वात मोठ्या 53व्या IFFI आंतरराष्ट्रीय चित्रपट महोत्सवाचे आयोजन उद्यापासून गोवा येथे करण्यात आले आहे. गोवा आंतरराष्ट्रीय चित्रपट महोत्सव फिल्म मार्केटमध्ये महाराष्ट्र शासनाकडून पाठवल्या जाणाऱ्या मराठी चित्रपटांमध्ये यावर्षी “राख” या मराठी चित्रपटाची निवड झाली आहे.
या आधीच अनेक अनेक आंतरराष्ट्रीय व राष्ट्रीय पुरस्कारांचे मानकरी ठरलेला “राख” हा एक संपूर्ण मूकपट आहे. चित्रपटसृष्टीत या प्रयोगाचे सर्व स्तरांतून कौतुक होत आहे.
संदीप पाठक व अश्विनी गिरी यांची प्रमुख भुमिका असणाऱ्या या चित्रपटाचे लेखन व दिग्दर्शन राजेश चव्हाण यांनी केले आहे. निर्माते योगेश गोलतकर, कुणाल प्रभू व राजेश चव्हाण यांनी ‘मीडिया प्रो डिजिटल’ या संस्थेमार्फत प्रथमच या चित्रपटाची निर्मिती केली आहे.
कोरोना साथीच्या पार्श्वभूमीवर आधारित या चित्रपटात, अचानक उद्भवलेल्या लॉकडाऊनमुळे रोजंदारीवर काम करणाऱ्या मजुरांना रोजगार गमावू लागल्याने, विपरीत परिणाम होऊन बेरोजगारीच्या संकटात भरडल्या गेलेल्या स्थलांतरित मजुरांच्या दाहक वास्तव या चित्रपटात मांडले आहे.
SL/KA/SL
19 Nov. 2022
