या बँकेच्या नफ्यात 34 टक्क्यांनी वाढ
मुंबई, दि. १६ (एमएमसी न्यूज नेटवर्क) : देशातील सर्वात मोठी खाजगी बँक असलेल्या HDFC बँकेने आज डिसेंबर तिमाहीचे निकाल जाहीर केले. या तिमाहीत बँकेचे उत्पन्न अपेक्षेपेक्षा खूपच चांगले झाले आहे. बँकेचा निव्वळ नफा 34 टक्क्यांनी वाढून 16,372.54 कोटी रुपये झाला आहे. डिसेंबर तिमाहीत बँकेचे निव्वळ व्याज उत्पन्न 24 टक्क्यांनी वाढून 28,471.34 कोटी रुपये झाले आहे. गेल्या तिमाहीच्या आधारे बँकेच्या नफ्यात 2.5 टक्के तर निव्वळ व्याज उत्पन्नात चार टक्क्यांनी वाढ झाली आहे.
एचडीएफसी बँक ही रिलायन्स इंडस्ट्रीज आणि आयटी कंपनी टीसीएएस नंतर देशातील तिसरी सर्वात मोठी मूल्यवान कंपनी आहे. मंगळवारी कंपनीचे शेअर्स 0.42 टक्क्यांच्या वाढीसह 1678.95 रुपयांवर बंद झाले. शेअर बाजार बंद झाल्यानंतर कंपनीने निकाल जाहीर केला.
डिसेंबर तिमाहीत एकत्रित आधारावर बँकेचे एकूण उत्पन्न 1,15,015 कोटी रुपयांवर पोहोचले आहे, जे मागील आर्थिक वर्षाच्या याच तिमाहीत 54,123 कोटी रुपये होते. मालमत्तेच्या गुणवत्तेच्या बाबतीत बँकेच्या एकूण कर्जावरील एनपीए डिसेंबर 2022 तिमाहीत 1.23 टक्क्यांवरून डिसेंबर 2023 तिमाहीत किरकोळ वाढून 1.26 टक्के झाला. मात्र, या काळात बँकेचा निव्वळ एनपीए 0.31 टक्के राहिला. गेल्या आर्थिक वर्षाच्या याच तिमाहीत निव्वळ एनपीए 0.33 टक्के होता.
एचडीएफसी बँकेने शेअर बाजाराला सांगितले की, डिसेंबरच्या तिमाहीत बँकेचे एकूण उत्पन्न 81,720 कोटी रुपये होते. गेल्या आर्थिक वर्षाच्या याच तिमाहीत एकूण उत्पन्न 51,208 कोटी रुपये होते. एकत्रित आधारावर बँकेचा नफा ऑक्टोबर-डिसेंबर 2022 मध्ये 12,735 कोटी रुपयांवरून 39 टक्क्यांनी वाढून 17,718 कोटी रुपये झाला आहे.
ML/KA/SL
16 Jan. 2024