किर्लोस्कर ब्रदर्सकडून 300 टक्क्यांचा लाभांश जाहीर

मुंबई, दि. १४ (एमएमसी न्यूज नेटवर्क) : कंप्रेसर, पंप आणि डिझेल इंजिन बनवणारी जगप्रसिद्ध भारतीय कंपनी किर्लोस्कर ब्रदर्स कंपनीचे लाभांश जाहीर झाले आहेत. आर्थिक वर्ष 2023-24 च्या चौथ्या तिमाहीत कंपनीच्या नफ्यात 57.3 टक्क्यांनी वाढ झाली तर महसूल 9 टक्क्यांनी वाढला आहे. निकालासह कंपनीने गुंतवणूकदारांना लाभांश भेट दिला. तर कंपनीने 300 टक्क्यांचा लाभांश जाहीर केला आहे. आज किर्लोस्करचा शेअर 7.24 टक्क्यांनी वाढून 1528.20 रुपयांवर बंद झाला. आर्थिक वर्ष 2023-24 च्या चौथ्या तिमाहीत कंपनीच्या नफ्यात 57.3 टक्क्यांनी वाढ झाली असून महसूल 9 टक्क्यांनी वाढला आहे. तसेच कंपनीने 300 टक्क्यांचा लाभांश जाहीर केला आहे.

एक्सचेंज फाइलिंगनुसार किर्लोस्कर ब्रदर्सच्या संचालक मंडळाने भागधारकांना लाभांश भेट दिली आहे. कंपनीच्या बोर्डाने 2 रुपयांच्या दर्शनी मूल्यावर 6 रुपये म्हणजेच प्रति शेअर 300 टक्क्यांचा लाभांश जाहीर केला आहे. लाभांशाची रेकॉर्ड तारीख 26 जुलै 2024 निश्चित करण्यात आली आहे. कंपनीने सांगितले की, 104 व्या एजीएममध्ये मंजुरी मिळाल्यानंतर 31 ऑगस्ट 2024 पर्यंत लाभांश दिला जाईल.

चांगल्या निकालांमुळे किर्लोस्कर ब्रदर्सच्या शेअरमध्ये वाढ झाली. एका आठवड्यात शेअरमध्ये 16.44 टक्के, एका महिन्यात 34.26 टक्के आणि 3 महिन्यांत 68 टक्के वाढ झाली आहे. 2024 मध्ये आतापर्यंत शेअर 70 टक्के आणि 6 महिन्यांत 80 टक्के वाढला आहे. या शेअरने गेल्या एका वर्षात 191 टक्के आणि गेल्या दोन वर्षांत 474 टक्के मल्टीबॅगर परतावा दिला आहे.

कंपनीचा आर्थिक वर्ष 2024 च्या मार्च तिमाहीत कंपनीचा नफा 90.7 कोटी रुपयांवरून 142.7 कोटी रुपयांवर (YoY) वाढला आहे. या कालावधीत कंपनीचा महसूल 1,124 कोटी रुपयांवरून 1,224 कोटी रुपयांवर (YoY) वाढला. मार्च तिमाहीत कंपनीचा EBITDA 32.6 टक्क्यांनी वाढून 193.3 कोटी रुपये झाला आहे. एका वर्षापूर्वी याच तिमाहीत EBITDA 145 कोटी रुपये होता. या कालावधीत मार्जिन वार्षिक आधारावर 13 टक्क्यांवरून 15.7 टक्क्यांपर्यंत वाढले.

SL/ML/SL
14 May 2024