जम्मू काश्मीरमध्ये बस दरीत कोसळून २१ प्रवाशांचा मृत्यू ,४० जण जखमी
जम्मू, दि. ३० (एमएमसी न्यूज नेटवर्क) : जम्मू-काश्मीरमध्ये भाविकांना घेऊन जाणारी बस दरीत कोसळून झालेल्या भीषण अपघातात २१ प्रवाशांचा मृत्यू झाला असून ४० जण जखमी झाले आहेत. बसमधील सर्व प्रवाशी हे उत्तर प्रदेशच्या हाथरस येथील होते. शिवखोरी येथे देवदर्शनासाठी जाताना जम्मू काश्मीरच्या अखनूर भागातील पुंछ महामार्गावर हा अपघात घडला. ही बस भाविकांना घेऊन जम्मूवरून शिवखोरी देवदर्शनासाठी येथे जात होती. यादरम्यान अखनूरमधील तांडा परीसरात असताना अचानकपणे चालकाचे बसवरील नियंत्रण सुटले आणि बस १५० फूट दरीत कोसळली.
दरम्यान, या ठिकाणी बचावकार्य सुरू करण्यात आले असून जखमींना अखनूरमधील सरकारी रुग्णालयात दाखल करण्यात आल्याची माहिती जम्मूच्या जिल्हाधिकाऱ्यांनी दिली आहे. याठिकाणी बचावकार्य सुरु करण्यात आले असून जखमींना अखनूर येथील सरकारी रुग्णालयात दाखल करण्यात आले आहे, असे ते म्हणाले.
या अपघातानंतर राष्ट्रपती द्रौपदी मुर्मू यांनीही दु:ख व्यक्त केलं आहे. एक्स या समाज माध्यमावर पोस्ट करत त्यांनी यासंदर्भात प्रतिक्रिया दिली. जम्मू-काश्मीरच्या अखनूर येथेल्या झालेल्या बस अपघाताच वृत्त ऐकून दु:ख झाले. या अपघातात मृत्यू झालेल्यांच्या कुटुबियांप्रती मी संवेदना व्यक्त करते. तसेच जे प्रवाशी जखमी झाले आहेत, ते लवकर बरे व्हावे, यासाठी प्रार्थना करते, असे त्या म्हणाल्या.
SL/ML/SL
30 May 2024
