केंद्रीय कर्मचाऱ्यांच्या महागाई भत्त्यात 2% वाढ

नवी दिल्ली, दि. २८ (एमएमसी न्यूज नेटवर्क) : केंद्रीय कर्मचाऱ्यांना देण्यात येणाऱ्या महागाई भत्त्यात (DA) २% वाढ करण्यात आली आहे. आज झालेल्या मंत्रिमंडळ बैठकीत महागाई भत्ता वाढीचा निर्णय घेण्यात आला. यापूर्वी जुलै २०२४ मध्ये सरकारने त्यात ३% वाढ केली होती. या वाढीमुळे, आठव्या वेतन आयोगाच्या अंमलबजावणीपूर्वी महागाई भत्ता ५३% वरून ५५% पर्यंत वाढेल. याचा फायदा सुमारे ५० लाख केंद्रीय कर्मचारी आणि ६५ लाख पेन्शनधारकांना होईल. दर ६ महिन्यांनी डीए वाढतो. वाढलेला महागाई भत्ता १ जुलैपासून लागू होईल. म्हणजेच कर्मचाऱ्यांना ३ महिन्यांची थकबाकी मिळेल.

महागाई भत्ता म्हणजे महागाई वाढली तरी सरकारी कर्मचाऱ्यांचे राहणीमान राखण्यासाठी दिले जाणारे पैसे. हे पैसे सरकारी कर्मचारी, सार्वजनिक क्षेत्रातील कर्मचारी आणि पेन्शनधारकांना दिले जातात. देशाच्या सध्याच्या महागाईनुसार दर 6 महिन्यांनी त्याची गणना केली जाते.

भारतात महागाईचे दोन प्रकार आहेत. एक म्हणजे किरकोळ महागाई आणि दुसरे म्हणजे घाऊक महागाई. किरकोळ महागाई दर सामान्य ग्राहकांनी दिलेल्या किमतींवर आधारित असतो. त्याला ग्राहक किंमत निर्देशांक (CPI) असेही म्हणतात.

SL/ML/SL
28 March 2025