GST संकलनात १५% वाढ

नवी दिल्ली, दि. २ (एमएमसी न्यूज नेटवर्क) : GST मुळे भारतीय अर्थव्यवस्थेला चांगलीच उभारी प्राप्त होत आहे. नोव्हेंबर 2023 हा महिना GST संकलनासाठी उत्तम महिना ठरला आहे. सलग नवव्या महिन्यात मासिक जीएसटी संकलन 1.5 लाख कोटी रुपयांच्या वर पोहोचले
वित्त मंत्रालयाने नुकत्याच जाहीर केलेल्या आकडेवारीनुसार, नोव्हेंबरमध्ये जीएसटी संकलन 1.68 लाख कोटी रुपये राहिले आहे. हा आकडा गेल्या वर्षीच्या याच महिन्याच्या तुलनेत 15 टक्क्यांनी अधिक आहे.

नोव्हेंबर 2023 मध्ये जीएसटी संकलनाच्या बाबतीत महाराष्ट्र हे टॉप 3 राज्यांमध्ये अव्वल आहे. गेल्या वर्षीच्या तुलनेत महाराष्ट्रात जीएसटी संकलन 17 टक्के वाढून 21,611 कोटी रुपये झाले आहे. या यादीत 10,238 कोटींच्या कलेक्शनसह कर्नाटक दुसऱ्या स्थानावर आहे. गुजरात 9,333 कोटींच्या कलेक्शनसह तिसऱ्या क्रमांकावर आहे.

आर्थिक वर्ष 2023-24 मध्ये ही सहावी वेळ आहे जेव्हा GST संकलन 1.60 लाख कोटी रुपयांपेक्षा जास्त झाले आहे. सणासुदीचा काळ. नोव्हेंबर महिन्यात दिवाळी, धनत्रयोदशी, छठ या सणांमुळे नोव्हेंबर महिन्यात जीएसटी संकलनात मोठी वाढ आली आहे. नोव्हेंबर 2023 मध्ये एकूण जीएसटी संकलन 1,67,929 कोटी रुपये होते. मात्र ऑक्टोबर 2023 च्या तुलनेत नोव्हेंबरमध्ये जीएसटी संकलनात घट झाली आहे. ऑक्टोबर महिन्यात जीएसटी संकलन 1.72 लाख कोटी रुपये होते. सप्टेंबर महिन्यात 162712 कोटी रुपये, ऑगस्ट महिन्यात 159068 कोटी रुपये, जुलै महिन्यात 165105 कोटी रुपये, जून महिन्यात 161497 कोटी रुपये, मे महिन्यात 187035 कोटी रुपये आणि एप्रिल महिन्यात 187035 कोटी रुपये जीसटी संकलन झाले आहे.

वित्त मंत्रालयाने दिलेल्या माहितीनुसार नोव्हेंबर 2023 मध्ये जीएसटी संकलन 1,67,929 कोटी रुपये होते. यामध्ये केंद्रीय जीएसटी (CGST) 30,420 कोटी रुपये, राज्य जीएसटी (SGST) 38,226 कोटी रुपये, एकात्मिक जीएसटी (IGST) 87,009 कोटी रुपये (वस्तूंच्या आयातीवर गोळा केलेल्या 39,198 कोटी रुपयांसह) आणि उपकर 12,274 कोटी रुपये होता. उपकरामध्ये वस्तूंच्या आयातीतून मिळालेल्या 1,036 कोटी रुपयांचा समावेश आहे.

आर्थिक वर्ष 2023-24 मध्ये म्हणजेच गेल्या 8 महिन्यांत आतापर्यंत एकूण 13.32 लाख कोटी रुपयांचे जीएसटी संकलन झाले आहे. तर गेल्या आर्थिक वर्ष 2022-23 मध्ये एकूण जीएसटी संकलन 18.10 लाख कोटी रुपये होते.

SL/KA/SL

2 Dec. 2023