काश्मीरमधील १४ पर्यटनस्थळे पुन्हा खुली
श्रीनगर, दि. १६ : पहलगाम हल्ल्यानंतर बंद झालेली काश्मीरमधील पर्यटन स्थळे आता पुन्हा उघडण्यात येत आहेत.
जम्मू-काश्मीरचे लेफ्टनंट गव्हर्नर मनोज सिन्हा यांनी केंद्रशासित प्रदेशातील बंद असलेली 14 पर्यटन स्थळे पुन्हा उघडण्याची घोषणा केली. लेफ्टनंट गव्हर्नर म्हणाले की, संपूर्ण सुरक्षा आढावा आणि चर्चेनंतर मी काश्मीर आणि जम्मू विभागातील आणखी पर्यटन स्थळे पुन्हा उघडण्याचे आदेश दिले आहेत.
काश्मीर विभागात 11 पर्यटन स्थळे – युसमर्ग, बडगाममधील दूधपथरी, कोकरनागमधील दांडीपोरा पार्क, पीर की गली, शोपियानमधील दुबजान आणि पडपावन, श्रीनगरमधील अस्तनपोरा, ट्युलिप गार्डन, थजवास ग्लेशियर, गंदेरबलमधील हंग पार्क आणि बारामुलामधील वुलर/वतलाब पुन्हा उघडले जातील.
तर, जम्मू विभागात 3 पर्यटन स्थळे – रियासीमधील देवी पिंडी, रामबनमधील माहू मंगत आणि किश्तवाडमधील मुगल मैदान सामान्य लोकांसाठी खुली केली जातील. फिरण्याची ही ठिकाणे गेल्या वर्षी एप्रिलमध्ये झालेल्या पहलगाम हल्ल्यानंतर बंद करण्यात आली होती. या दहशतवादी हल्ल्यात 26 लोक मारले गेले होते, त्यापैकी 25 पर्यटक होते.
गेल्या वर्षी सप्टेंबरमध्ये काश्मीर विभागात सात पर्यटन स्थळे पुन्हा उघडण्यात आली होती. त्यात अरु व्हॅली, राफ्टिंग पॉइंट यान्नर, अक्कड पार्क, पादशाही पार्क आणि कमान पोस्ट यांचा समावेश आहे. तर जूनमध्ये पहलगामच्या काही भागांसह 16 पर्यटन स्थळे पुन्हा उघडण्यात आली होती.
SL/ML/SL
