पीरियोडिक टेबलमधील ११८ मूलद्रव्ये सरळ-उलट चिन्हासह सादर – जागतिक विक्रम
मुंबई प्रतिनिधी : सायन येथील जेपी क्लासेसच्या विद्यार्थ्यांनी पीरियोडिक टेबलमधील सर्व ११८ मूलद्रव्ये सरळ आणि उलट क्रमाने त्यांच्या चिन्हासह सादर करून एक अभूतपूर्व शैक्षणिक टप्पा गाठला. हा सोहळा नुकताच सायन येथील स्वामी नित्यानंद हॉलमध्ये संपन्न झाला. या ऐतिहासिक कामगिरीत एकूण २० विद्यार्थ्यांनी सहभाग घेतला, ज्याची अधिकृतपणे ‘ओएमजी बुक ऑफ रेकॉर्ड्सद्वारे जागतिक विक्रम म्हणून नोंद करण्यात आली आहे. विद्याथ्यर्थ्यांनी पालक आणि मान्यवरांसमोर थेट सादरीकरण करताना विलक्षण स्मरणशक्ती, एकाग्रता आणि आत्मविश्वासाचे दर्शन घडवले.
या विद्यार्थ्यांना प्रसिद्ध मेमरी तज्ञ सुरेश शर्मा यांनी प्रशिक्षित केले होते, जे भारताचे अग्रगण्य मेमरी आणि रिकग्निशन तज्ञ असून लिम्का वर्ल्ड रेकॉर्ड होल्डर आहेत. याप्रसंगी बोलताना, जेपी क्लासेस सायनचे संस्थापक आणि व्यवस्थापकीय संचालक श्री संतोष जे. चौहान म्हणाले “आम्हाला अभिमान आहे की आमच्या विद्यार्थ्यांनी हे सिद्ध केले आहे की योग्य मार्गदर्शन आणि प्रशिक्षणाने तरुण पिढी असामान्य यश मिळवू शकते. जेपी क्लासेसमध्ये आम्ही केवळ आयआयटी-जेईई आणि नीट सारख्या स्पर्धा परीक्षांवर लक्ष केंद्रित करत नाही, तर मेंदू तल्लख करण्यावर आणि नेतृत्व गुण विकसित करण्यावरही भर देतो जे उद्याचे लीडर्स’ घडवण्याचे आमचे ध्येय आहे. याच कारणामुळे ‘द टाइम्स ऑफ इंडिया’च्या सहकार्याने स्टार एज्युकेशन अवॉर्ड्स २०२५ द्वारे सायन-मुंबईमधील ‘सर्वोत्कृष्ट कोचिंग क्लास’ म्हणून आमचा गौरव करण्यात आला.”
या कार्यक्रमाचे
पालक आणि पाहुण्यांनी विद्यार्थ्यांच्या या दैदिप्यमान यशाचे कौतुक केले. हा कार्यक्रम महाराष्ट्र दिनी आयोजित केल्यामुळे या प्रसंगाचे देशभक्तीपर महत्त्व अधिकच वाढले. या कामगिरीमुळे सायन आणि मुंबईची मान उंचावली आहे.
भारताचे अग्रगण्य मेमरी तज्ञ सुरेश शर्मा म्हणाले मेमरी ट्रेनिंगमुळे मेंदू तल्लख होतो आणि त्याची कार्यक्षमता वाढते, ज्यामुळे उत्तम एकाग्रता आणि वेगवान रिकॉल स्पीड मिळतो. ही कौशल्ये विद्यार्थ्यांना नीट आणि जेईईच्या अफाट अभ्यासक्रमाचा ताण हाताळण्यास मदत करतात आणि आयुष्याच्या प्रत्येक क्षेत्रात यश मिळवून देतात.”
आपल्या मुलांचे यश पाहून पालक भावूक आणि अत्यंत आनंदी होते. एका पालकाने सांगितलेः ‘आमच्या मुलामध्ये इतकी सुप्त प्रतिभा होती याची आम्हाला कल्पना नव्हती. आम्ही जेपी क्लासेसचे ऋणी आहोत की त्यांनी मुलांची शिकण्याची क्षमता वाढवण्यासाठी हा उपक्रम राबवला.
